六月新娘(132)_張愛玲

一三二

　　第四十七場

　　景：酒店林室

　　時：夜

　　人：簡、吳、荔、林

　　C.I.

　　（簡、吳匆匆來至林室外敲門。

　　（荔穿晨衣開門。）

　　簡：對唔住，我姑媽瞓咗未呀？

　　荔：未呀！（回頭喚）簡小姐。（再向簡）我今日住呢處，預備唔瞓，陪你姑媽傾天光。

　　（林披晨衣來，荔向簡、吳揮揮手回入。）

　　林：乜嘢事呀？

　　（簡、吳將林拉入甬道閉門。）

　　簡：喂！阿林呀，我地特登嚟警告你嘅，你千萬要小心。

　　林：小心乜嘢？

　　吳：我們是君子協定，你可得記住，現在倩荔在你房裡，你可不能胡來，別對不起朋友。

　　林：仲好講，又唔系我叫佢嚟嘅。佢自己嚟到我房度，夾硬要響我度過夜，搞到我冇得瞓都唔緊要，仲要我成晚戴住呢個假頭髮，你地仲講呢啲嘢。唔好搞我啦，我番去啦！（扔假頭髮於地）

　　（簡、吳急忙拾起代林戴上。）

　　簡：千祈唔好，算我對你唔住。

　　吳：委屈你啦！

　　簡：你今晚將就嚇都要啦！

　　吳：我們知道你靠得住，不過是怕你一時糊塗，闖了禍可不得了。

　　簡：倩荔女仔之家唔懂事。

　　吳：不但你要坐監，連我們都有罪。

　　林：你地兩個咪嚇我得，如果唔放心，我走啦，入去攞番我啲衫俾我。

　　（林脫晨衣擲地，胸前二皮球滾下地。簡、吳連忙去拾。）

　　簡：喂，唔好發脾氣。

　　吳：別鬧。

　　簡：俾人睇到算乜嘢得。

　　林：唔制啦，唔制啦！

　　吳：行了，行了，別生氣，過天我們請客，給你賠禮！

　　（簡、吳七手八腳代林穿衣，塞回皮球，喘息未定。

　　（荔開門。）

　　荔：做乜你地仲唔走啫，咁夜仲唔俾簡小姐休息？

　　吳：（拭汗）噯！大家都要休息了。

　　荔：簡小姐入嚟啦！我地女人傾心事，唔俾佢地聽。（拉林入，閉門）（吳猶逡巡。）

　　簡：走啦，如果俾第二啲人睇到我地企響呢處，有乜好呢？

　　（吳不語。）

　　簡：你唔走我走啦！（回己房）

　　（吳獨在室外徘徊。

　　（室內。林、荔均脫晨衣露出豔麗睡袍，林半躺半坐，荔坐床上。）

　　荔：簡小姐，我知道你舊時為咗婚姻唔自由至出美國嘅，你一定會同情我。

　　林：當然，當然。

　　荔：如果你唔幫我忙，我都唔知點算囉。（盈盈欲泣）

　　林：（撫女發）唔好著急，慢慢想辦法啦！

　　（荔倒在林胸前抽噎。）

　　林：（抱著荔）你唔好喊，你一喊我成個心亂曬。（不安地看看門）（吳在門外徘徊、偷聽，聽不出什麼來，乾著急，終於下了決心，匆匆回到與簡合住之房，推門入。）

　　C.O.

　　第四十八場

　　景：酒店簡房

　　時：夜

　　人：簡、吳

　　C.I.

　　（簡已入睡，只見點著檯燈。吳急入。）

　　吳：簡良，不行，還是得麻煩你。

　　簡：又試乜嘢事呀？

　　吳：我怎麼都不放心。

　　簡：你唔放心阿林啫，唔通倩荔你都唔放心？

　　吳：不是，她太天真了，等她發現已經晚了。

　　簡：咁我都系冇辦法，唔通再去話請姑媽出嚟傾嚇呀？

　　吳：你能不能叫采去把她叫出來？

　　簡：咁晚，我點去揾采呀？

　　吳：可以打電話。

　　簡：打電話佢爸爸會知道。

　　吳：知道也沒關係，你們都差不多已經訂婚了。

　　簡：唔系咁講啦，萬一俾佢爸爸識穿咗，仲弊添。

　　（吳急如熱鍋上螞蟻。）

　　C.O.

學達書庫(xuoda.com)