中國俗文學史第十章明代的民歌六(3)

第十章明代的民歌六(3)

　　老　鼠

　　郎兒生得好像老鼠一般般，夜裡出去偷情日裡閑。未到黃昏出來張了看，但等無人只一鑽。

　　（白）只一鑽，只一鑽，阿奴歡喜小尖酸：來去身鬆快便，兩隻眼睛穀碌碌會看會觀；聽得人聲一躲，火光背後就縮做子一團；能會巴簷上屋，又會掾柱爬梁；也弗怕銅牆鐵壁，也弗怕戶閉門關；也勿怕竹簽笆隔，也弗怕直楞窗盤。一夜子鑽進子我個屋裡，走到子我個房前；扯著子個房簾上金鈴索聲能介一響，嚇得我冷汗直鑽！我裡個阿爹慌忙咳嗽，我裡個阿娘口裡開談，便話道：「阿囡耍響？」我明明裡曉得你臭賊，做勢困著弗敢開言。個個臭賊當時使一個計較，立地就用一個機關：口裡谷穀聲做介兩聲婆雞叫活像，連連聲數介兩聲銅錢。我裡阿爹說道：「老阿媽，你小心些火燭！」阿娘說道：「老老呀，沒介啥個報應，明朝早些起來求介一條靈簽。」我裡臭賊聽得子一發膽大，連忙對子我被裡一鑽，就要搭小阿奴奴不三不四不四不三，一張嘴好似石塊，一雙腳好像冰團！

　　〔黃鶯兒〕兩腳像冰團，被窩中快快鑽。偷油手段把偷香按。雖然未安，得歡且歡。只愁五個更兒短，囑付俏心肝：他老人家醒困，須是悄悄好遮瞞。

　　（歌）姐道：「我郎呀，你沒要爬爬懶懶介趁意利，驚動我裡門角落裡困貓團！」

　　困弗著

　　姐兒困勿著好心焦，思量子我裡個情哥只捉腳來跳。好像漏濕子個文書失約子我，冷鍋裡篩油測測裡熬。

　　（白）測測裡熬，測測裡熬，姐兒口罵：「殺千刀！我驀傳教寄信來叫你，你驀好像個討冷債個能介有多呵今日了明朝？

　　〔皂羅袍〕堪歎薄情難料，把佳期做了流水萍飄。柳絲暗結玉肌消，落紅惹得朱顏惱；情牽意掛，山長水遙；月明古驛，東風畫橋；那人何事還不到？」

　　（白）姐兒氣子介一氣，噎漫漫眼淚介雙拋。只見燈光連報，喜鵲連連又叫子介多遭。姐兒正在疑惑，只聽得窗外門敲。小阿奴連忙趕搭出去，來窗眼裡張著子個臭賊了便膽喪了魂消。我便開勿及個門閂，拔勿及個門銷。渠再一走走進子個大門，對子房裡一跪，就來動手動腳搩住子我個橫腰。我便做勢介一個苦毒假意介個心焦。

　　〔桂南枝〕黃昏靜悄，我把被兒來薰了；看看等到月上花梢，杳冥冥全無消耗；聽殘更漏鼓，那時你方才來到！我把他兒變了。他跪在床前告，我假意焦。恨不得咬定牙，只是忍不住笑。

　　（白）郎說道：「姐兒，我勿是戀新棄舊，只是路遠山遙。今夜我來遲失信，望你寬洪姐姐饒饒！」姐兒雙手扶郎起來：「你勿要支花野味了嘮叨？」

　　（歌）姐道：「我郎呀，好像一腳踢開子個繡球丟落子個氣，做介個脫衣勢子聽你跌三交！」

　　《門神》的一篇，寫得尤為漂亮：

　　門　神

　　結識私情像門神，戀新棄舊忒忘情。

　　（白）記得去年大年三十夜，捉我千刷萬刷刷得我心悅誠服，千囑萬囑囑得我一板個正經。我雖然圖你糊口之計，你也敬得我介如神。我只望替你同家日活，撐立個門庭。有介一起輕薄後生捉我摸手摸腳，我只是聲色弗動，並弗容介個閑神野鬼，上你搭個大門。我為你受子許多個烹風露水，帶月披星；看破子幾呵個簷頭賊智，聽得子幾呵個壁縫裡個風聲。你當你見我顏色新鮮那亨介喝彩？裝扮得花噪加倍介奉承。那間貼得筋皮力盡，磨得我頭鬢蓬塵。弗上一年個光景，只思量別戀個新人。你省我弗像個士女，我也道是你弗是個善人。就要撚我出去，弗匡你起介一片個毒心。逼著介個殘冬臘月，一刻也弗容我留停。你拿個冷水來潑我個身上。我還道是你取笑：拿個筅帚來支我，我也只弗做聲；擷破子我個衣裳只是忍耐，獺破子我個面孔方才道是你認真。我吃你刮又刮得介測賴，鏟又鏟得介盡情。屈來，我吃你介楊擦刮了去介，你做人忒弗長情。我有介支曲子在裡到唱來你聽聽：

　　〔玉胞肚〕君心忒忍，戀新人渾忘舊人！想舊人昔日曾新，料新人未必常新；新人有日變初心，追悔當初棄舊人。

　　（歌）姐道：「我個郎呀，那間我看你搭大門前個前船就是後船眼，算來只好一年新！」

　　破騌帽歌

　　有介一支山歌唱你儂聽，新翻騰打扮弄聰明：（白）也弗唱蒲鞋，氈襪，也弗唱直掇，海青；也弗唱絹裙，綾袴；也弗唱香袋，汗巾；單題唱個頭上帽子，歷代幾樣翻新。舊時作尖頂長號，後來改子平頂鼓墩，咦有纓子朗銷密結瓦棱。惟有小張官人頭上帽子戴又戴得個停當，盔又盔得介娉婷；光袖油露出子杭州丫髻，亮晃晃插起重慶金簪；後頭抻出子雙螭虎圈子，前頭推起子九針子網巾。帽巾帶得介長遠，年深月久成精。忽朝一日頭上說話，叫聲：「小張官人，我一跟跟你兩三巡黃冊，你一戴戴我二三十個清明，春秋四季並弗曾盔頂紵絲羅帽；寒冬臘月並弗曾盔頂絨帽氈巾。總成你相交子多少姹童窠子？陪伴子若干監生舉人？看子多少提偶，扮戲，遊湖，踏青。唱船主人中顯貴，酒樓上鬧裡奪尊。捉個豬膽去油，教我受子多少醃臢苦腦。捉個百藥箭上色，教我吃子多少烏皂泥筋？板刷常常相會，引線弗曾離身。一日子修理得介停當，戴出子閶門，月城裡遇著子朋友說話，聚集子東西來往無數個閒人：看呆子山東販騌侉子，立癡子江西販帽子個客人。江西老鄉談弗絕，蘇州歇後語連聲。十字街蟒龍玉烏紗冠石皮得介測癩，老弗識波羅生荔枝圓重夕得介忒村。日頭照子好像走差次身頭上草帽；雨落濕子好像壓匾介一個老人頭巾。撚來手裡好像拳緊介一隻偷瓜蠍，落來地上好像矗起來介一隻刺毛鶯。修騌帽見子一嚇，洗網巾吃子一驚。破靴羊毛換銅錢緝三問四，賣花換眢豆弗曾離門。」小張聽得幾句言語，嚇得冷汗直淋；立來無人煙所在，探下來看介一看：「真當弗像，只得去貼舊換新。」欲要黃帽鋪裡去講講，咦弗好戴子進渠大門。思量無些擺佈，只得那借子一頂麻布頭巾；縐漫漫好像看墳個董永，軟塔塔好像丁憂個洞賓。遇著子承天寺裡個和尚，定道請渠領喪，入木；撞見子玄妙觀裡道士，定道請渠退煞，念經。鄉鄰趕趁子分子，朋友怕闕子人情。小張道：「個是我裡騌兄便服，弗消得列位介費心。」無些意思介一日。只得走轉家門。家婆道：「你出去子介一日，阿曾幹子帽子個正經？」「咳，家婆，弗要話起！走腫子個腳底，擢痛子個背心。餓過子個肚裡，看花子個眼睛！帽鋪家家走到，價錢個個弗等；只得反渠轉來假充一個朗鎖戴戴，到下橋行市再尋。彈忒子齷齪，吹忒子個灰塵上子盔頭盔介一盔，屈剛盔子三五六星。」小張捶胸跌腳，說道：「弗匡你介一個收成！」家婆道：「你也弗嘎大驚小怪，還幹若于正經：大塊頭兒改雙涼鞋著著；斜塊頭兒改子外公頭上束髮包巾，帽沿拿來做個紮額，我裡夏天恍恍；碎塊頭兒做子一頂細密網巾；騌頭騌腦做個刷牙來刷刷；零零碎碎做個香袋薰薰。」帽子道：「我前世作盡子扯孽，你公婆兩個擺佈得我介盡情！」小張道：「騌兄大哥，帽子大人！你儂弗要出言吐氣，我儂唱介一支曲子你聽聽：

　　洞賓（798-？），即呂洞賓。八仙之一。名喦（一作岩），相傳為唐京兆人，一作河中府（今山西永濟）人。兩舉進士不第，浪遊江湖，遇鐘離權授以丹訣。曾隱居終南山修道。

　　〔駐雲飛〕帽樣新鮮不復完，今剩缺連，一向承裝觀，今日堪埋怨：喋，戴你不多年！」帽子道：「盡勾你哉！」「如何稀爛？想是當初，修舊將咱騙，為你冤家費我錢！」

　　（白）帽子道：「鼓弗打弗響。鐘弗撞弗鳴；別人戴子風裡坐，你戴子我雪裡奔！憑你改長改短，我也無怒無嗔。捉我改子外公頭上束髮包巾，我也感承你頂戴；捉我改子你家婆頭上紮額，我也當得奉承。

　　（歌）捉我改子刷牙正要擢你臭賊個張嘴；捉我改子涼鞋正要打碎你個老腳跟！」

　　這一篇嘗見於《遊覽萃編》，馮氏當是轉載的。

　　山　人

　　說山人，話山人，說著山人笑殺人：

　　（白）身穿著僧弗僧俗弗俗個沿落廠袖；頭帶子方弗方圓弗圓個進士唐巾。弗肯閉門家裡坐，肆多多在土地堂裡去安身。土地菩薩看見子，連忙起身便來迎。土地道：「呸，出來！我只道是同僚下降，元來到是你個些光斯欣！咦弗知是文職武職？咦弗知是監生舉人？咦弗知是糧長升級？咦弗知是說書老人？咦弗來裡作揖畫卯，咦弗來裡放告投文。耍了鬧哄哄介挨肩了擦背，急逗逗介作揖了平身？轎夫個個儕做子朋友，皂隸個個儕扳子至親。帶累我土地也弗得安靜，無早無晚介打戶敲門。我弗知何為扯個幹？仔細替我說個元因。」山人上前齊齊作揖，「告訴我裡的的親親個土地尊神：我哩個些人，道假咦弗假，道真咦弗真；做詩咦弗會嘲風弄月，寫字咦弗會帶草連真。只因為生意淡薄，無奈何進子法門。做買賣咦吃個本錢缺少；要教書咦吃個學堂難尋；要算命咦弗曉得個五行生克；要行醫咦弗明白個六脈浮沉。天生子軟凍凍介一個擔輕弗得步重弗得個肩膊；又生個有勞勞介一張說人話人自害自身個嘴唇。算盡子個三十六策，只得投靠子個有名目個山人。陪子多少個蹲身小坐，吃子我哩幾呵煮酒餛飩，方才通得一個名姓，領我見得個大大人。雖然弗指望揚名四海，且樂得榮耀一身，嚇落子幾呵親眷，聳動子多少鄉鄰。因此上也要參參見佛，弗是我哩無事入公門。」土地聽得個班說話，就連聲罵道：「個些窎說個猢猻；你也忒殺膽大，你也忒殺噁心？廉恥咦介掃地，鑽刺咦介通神。我見你一蜪進一蜪出，袖子裡常有手本；一個上一個落，口裡常說個人情。也有時節詐別人酒食，也有時節騙子白金！硬子嘴了了說道恤孤了仗義，曲子肚腸了說道表兄了舍親。做子幾呵腰頭低擦，難道只要鬧熱個門庭？你個樣瞞心昧己，那瞞得灶界六神？若還弗信，待我唱支《駐雲飛》來你聽聽：〔駐雲飛〕笑殺山人，終日忙忙著處跟。頭戴無些正，全靠虛幫襯。嗏，口裡滴溜清，心腸墨錠！八句歪詩！嘗搭公文進。今日胥門接某大人，明日閶門送某大人。」（白）山人聽子，冷汗淋身，便道：「土地，忒殺顯靈。大家向前討介一卦，看道阿能句到底太平？」先前得子一個聖笤，以後再打子兩個翻身。土地說道：「在前還有青龍上卦，去後只怕白虎纏身！你也弗消求神請佛，你也弗消得去告鬥詳星；也弗消得念三官寶誥，也弗消得念救苦真經。（歌）我只勸你得放手時須放手，得饒人處且饒人。」

　　胥門，城門名。即今江蘇蘇州城西門。

　　閶門，城門名。今江蘇蘇州城西門。（也指揚州城西門）。

　　山人在萬曆以後，勢力甚大，但其醜態也殊令人作惡。這一篇「山人歌」刻畫得是如何的有趣。

　　沈德符看不起這些民歌，以為「不過寫淫媒情態，略具抑揚而已。」但淩濛初卻比他高明，能夠欣賞這些東西。淩氏道：「今之時行曲，求一語如唱本《山坡羊》、《刮地風》、《打棗竿》、《吳歌》等中一妙句，所必無也。」這便都足以說明在明代，俗曲是比文人曲更為重要了。

　　沈德符（1578-1642），明代文學家。字景倩，嘉興（今屬浙江）人。撰有《野獲編》。

　　淩濛初（1580-1644），明末小說家。字玄房，浙江烏程（今吳興）人。同沈德符同是提倡通俗文學的代表。著有擬話本《拍案驚奇》初刻、二刻等。

學達書庫(xuoda.com)