瓦釜集第七歌隔壁阿姐你為啥面皮黃？

第七歌隔壁阿姐你為啥面皮黃？

　　（女工的歌。一個女子問，一個女子答。）

　　「我說隔壁阿姐為啥來面皮黃？」

　　「你阿姐勿曉得我一日到夜做紗忙。

　　我朝起起來黑矓矓裡

　　就要上工去，

　　夜裡家來還要替別人家洗衣裳。」

　　為啥＝為何。

　　人工紡紗曰搖紗，在紗廠中作工曰做紗：以廠中分工，各司一事，不盡紡也。

　　朝起，亦作早起，朝晨也：起字平讀。

　　黑矓矓裡，亦作黑

　　朧朧，形容天未明之詞。

　　「我說隔壁阿姐你為啥來實梗忙？」

　　「你阿姐勿曉得我瘋癱格老子瞎眼格娘。

　　三個兄弟妹子才還勿曾滿十歲，

　　一家六口要我一人當！」

　　實梗＝如此。

　　才，齊字一音之轉，即普通語之都。

　　當＝擔當。

　　「我說隔壁阿姐你為啥來面皮紅？」

　　「你阿姐勿曉得紗廠裡格先生勿要面孔！

　　他撈撈搭搭勿曉得要做啥，

　　我勿睬他來他就起哈哄！

　　先生，工人稱賬房司事之類。

　　勿要面孔＝無恥：面亦作臉。

　　撈撈搭搭＝動手動腳＝拉拉扯扯；撈字讀陰聲。

　　起哈哄＝無端起釁；哈字去讀。

　　「他起仔哈哄來要想停我格工，

　　停仔工來我一家六口只好吃西風！

　　我勿曉得為啥靠仔十隻指頭要嘸飯吃？

　　為啥來要碗飯吃就要勿要面孔？」

　　要碗飯吃＝要吃碗飯。

學達書庫(xuoda.com)