山歌·陳媽媽_學達書庫

陳媽媽

　　（以下俱曲白間用）

　　陳家媽媽有人緣，
　　風月場中走子幾呵年。

　　（白）

　　小阿奴奴名頭雖然人盡曉得，
　　只弗知我起先個族譜相傳。
　　我出身原是湖州個人大細，
　　當初跟隨子織女天仙。
　　弗匡道沉埋，
　　得我更個凌替，
　　吃個姐兒扯到身邊。
　　淹流到那間個時節，
　　弄得我忒弗新鮮。

　　我先前是紅娘子結親時掛歇個星錦帳，
　　又是綠衣郎登科時穿舊個星藍衫。
　　到如今再捉我做子被頭裡個抹布，
　　常搭我風流所在去纏綿。

　　濕時節好像海蜇個風味，
　　幹時節像荷葉樣個藍班。
　　皺瞞瞞像廚司公湯碗裡個紫菜，
　　醃達達咦像湖廣客人鹽醬筒裡爛丟丟個星魚幹。

　　撞著子新做親介星頑皮精姐姐，
　　日夜捉我搭來拈弄，
　　遇著子私窠子會摟打個星娘娘，
　　也弗住介累得我腥膻。

　　壯羅多，
　　油碌碌，
　　新出籠饅頭能個樣物事，
　　在上游了遊，
　　到有星滋味，
　　骨梭層，
　　瘦乖乖，
　　霍在肉上個東西在上繳了繳，
　　再惹得我介肢醃。

　　有介騷離離掀格臘個樣寡婦，
　　時常捉我栳栳，
　　又有個極妖嬈最風趣個樣尼姑，
　　盡捉我來牽牽。

　　黑松林底下我弗知看子若干個光景，
　　肚家場當中也吃我遊玩得子介千千。
　　玉門關上周回四遭替渠個巡哨，
　　毛將軍玉柱上頭下頭也替渠著根介周旋。

　　雙膀彎裡我常常在搭風流飄蕩，
　　籠須席底下也吃我困得介安閒。
　　個星輕薄後生見面弗得介捉我取笑，
　　我笑渠無我了你濕搭搭得介安眠。

　　獨吃湖州親眷常替我合嘴，
　　巧殺子湯家姐姐替我合得人緣。
　　問我裡情哥贈我介只曲子，
　　你儂替我唱搭去宣宣。

　　（皂羅袍）

　　媽媽從來堪羨，
　　伴佳人才子暮寢朝眠。
　　任他結下好姻緣，
　　遇咱才卸得相思擔。
　　色非紅紫，
　　香非麝蘭。
　　合歡帳裡，
　　鴛鴦枕邊。
　　論功勞咱是個親篾片。

　　（歌）

　　我吃個淹潤著人了還子多少風流債，
　　雨散雲收做一團。

學達書庫(xuoda.com)