山歌·爭_學達書庫

爭

　　一朝迷露一朝霜，
　　鏡臺前手冷懶梳妝。
　　披頭散髮聽娘爭嚷，
　　耍般樣天氣我無郎。

　　娘道囡兒呀，
　　你弗要慌來弗要忙，
　　我教爹去尋媒話你個郎。
　　六十歲做親八十歲死，
　　還有二十年夫婦好風光。

　　囡道娘呀，
　　我也弗慌來也弗忙，
　　也弗要爹去尋媒話我個郎。
　　爹爹也弗要來娘房裡去，
　　哥哥也弗許聽個嫂同床。

　　爭娘弗過聽個外婆爭，
　　你幾歲上貪花養我個娘？
　　娘幾歲上貪花養子我？
　　小阿奴奴幾歲上養外甥？

　　外婆道，
　　囡兒弗要聽我爭：
　　我十六歲貪花養子你個娘，
　　娘十七歲上貪花養子爾，
　　外甥十八正當爭。

　　〔一雲〕

　　外甥囡兒再聽外婆爭，
　　儕是爾貪花生出子我個娘，
　　我裡個娘貪花養子我，
　　教我貪花驚後生。

　　——更好。

學達書庫(xuoda.com)